[隱世食店] 日日返工食黎食去都係果幾款，唔係個人大碟就快餐茶記，諗住食好d, 又總係會入左去集團既魔掌。。。結果。。。又係果幾味！
今日等我地推介下一間真係唔覺眼，行過都未必會見到既，佳文魚生店！
老老實實，行到入去，真係會。。下！？裝修係比較簡單兼有小小復古味既，但係我地人黎咖嘛，食裝修咩！咪試下佢囉！叫個魚生飯。。。嘩！多到呢！連螢光魷魚都出現嘛！(Okay! 你實話集團板X都有啦！不過老老實實，係唔同既！) 個堆刺身又真係新鮮既！仲要係厚切喎！（當然呢個時候你又可能會話，厚切姐，第二度都有啦！）得！咁我講碗湯囉！你以為係Miso湯？梗係無咁簡單啦！碗湯簡直係迷你水族館咁! (我知，佢地唔識游嘛！)有魚有蜆咁！最緊張係咩？就係甜得黎唔腥嘛！食完碗飯飲埋個湯，今次仲唔飽到你反肚！成兩舊水個lunch雖然好似激動左小小，但係當買個experience既又好似幾抵噃！
佳文魚生店
灣仔春園街12號地下
提提你！佢地只收現金咖炸！
Search